Re: E-ZONE 雜誌《最強作業系統決定戰》
Published by Chainsaw November 10th, 2007 in Odds and Ends.
我們 MacGrass 曾因為反駁傳統印刷媒體雜誌權威而被指「打倒權威」來「為自己面上貼金」。我們記取那次教訓之餘，亦希望傳統媒體能夠自強不息，力求報道準確。第 482 期 E-ZONE 雜誌有一篇名為《最強作業系統決定戰》比較三大作業系統 Vista 、 Leopard 及 Ubuntu 。此篇文章以三位專家（MACitizen 會長 Derek 、 OAKA 的 Abel 和微軟最有價值專業人員 Sammy）的意見為主導，作業系統評分亦主要以三位專家的意見為依歸。最終的最強作業系統是 Vista 。既然那是三人的個人意見，我們亦沒有甚麼好駁斥。但此篇報道有不正確的地方，今次這文是針對不實（ factual error ）而寫，而非為駁斥專家意見而寫。我們再一次不情願地「打倒權威」來「為自己面上貼金」，但實在需要講清楚事實。
《以下純為我 Chainsaw 一人之個人意見，與 MacGrass 立場無關》
雖然我不是常規 Ubuntu 的使用者，但據我所知，人家叫 Ubuntu 7.10 是有原因。他們的版本號不是根據一般常用方法，例如 10.4.10 -> 10.5.0 -> 10.5.1 這種。
Ubuntu 的第一個正式版是 4.10 ，不是代表第四版第十號，而係代表 2004 年 10 月。他們慣常在四月和十月推出新版本，故此多數是 x.04 或 x.10 。而最近的 7.10 就是代表 2007 年 10 月版本。 E-ZONE 文章整篇都將 7.10 版本寫成 7.1 ，這是聰明過度的寫法。
（此外 Linux Debian 也是奇怪的寫法）
文章的 Round V ，是比較內建功能。「內建功能」是相當奇怪的說法。以 Ubuntu 為例，他的 OS 功能不多，主要以跟機的其他軟件補足常用的功能，例如以 GIMP 作圖片編輯、 OpenOffice.org 作辦公室應用。其他作業系統都有類似情況，例如網頁瀏覽， Leopard 要靠 Safari 、 Vista 要靠 IE 。只不過這些軟件需要不需要另外安裝，只要安裝系統時，會同時安裝了這些應用軟件。故此，應該比較的，是安裝作業系統後，無需外裝其他第三方軟件，作業系統所包含軟件是否包括某一功能。根據這個原則，此一段有錯誤。例如 Leopard 被指缺乏文書處理套件、即時信息軟件。 Leopard 的 TextEdit 可以處理 Word 及 Word 2007 XML 格式文件，理應屬於文書處理軟件。而即時信息軟件，早在 10.2 就有 iChat ，今次更有可以玩背景和 Screen Sharing 的 iChat 4.0 。何以該文主理者認為 Leopard 沒有即時信息軟件？
要比較作業系統的功能表，我們可以參看有經過讀者同儕評審的 Engadget 版本。
說不定在該小記心目只有ICQ 或MSN 才算是「即時信息軟件」，iChat？WTF is that?
Quote this comment
QuickView 可以閱讀Excel, Powerpoint 和word 的 document; iWork 也可以閱和改Word, Powerpoint, Excel 2007 XML 格式文件; Real time 分 partition, time machine…. 最強作業系統是 Vista, 開玩笑吧~ Vista 只不過”可能比起Jaguar好一點”。
They should photocopy WSJ or NYT compare articles before to write this article, they always do sort of things aren’t they? :p
Quote this comment
Page 027 中間部份，
那個小記的不知所謂的 “e 評語” 仍然以為：
“MacOS 是以單一滑鼠鍵操控電腦” 云云 !!
可笑嗎？
Quote this comment
> iWork 也可以閱和改Word, Powerpoint, Excel 2007 XML 格式文件
iWork 屬於外加軟件。這樣比又不公平。
Quote this comment
哈哈，兩個鍵的滑鼠比一個鍵的強，十個鍵的又比兩個鍵的勁！
Quote this comment
佢地仲停留係 builtin 有乜就用乜，唔builtin 唔識自己裝既地步 ？
Windows 可以有 builtin 開到 office powerpoint 既功能 ？
Windows 有Time Machine 既功能 ？
淨係搵 d windows 有既野話 Mac 無，所以 windows 勁 d ,
咁完全 O 咀啦，不如拎 Mac 有既 ，Windows 無既講下，
咁 Windows 咪一樣唔掂，香港雜誌不嬲都係講乜一邊，
測試果 d 人都唔係真係有用過 Mac 就批評, 不如上網睇 blog 好過，
睇 d 二流評論浪費自己時間
Quote this comment
點解呢D雜誌寫手全部都咁大鄉里？
Quote this comment
標題少了兩個字吧
“最強的電腦才可以跑的作業系統！“
Quote this comment
我好像还看到那文章说Mac的繁简互换功能比Windows的差，我觉得好像刚刚相反。不过算吧，E-zone一直在Mac的所谓文章都是有问题或偏差的!
Quote this comment
是香港任何垃圾電腦雜誌，在Mac的文章都有問題和偏差。
對E-Zone，膠都費時俾喇。
Quote this comment
使我納悶的是，經濟日報是香港使用大量 Mac 的機構，照說 e-zone 也是，那麼有關 Mac 的資料沒可能有大錯的，難道 e-zone 是行政自主，寫 Mac 但可不用 Mac 的？
Quote this comment
要睇電腦資訊資上網睇仲update過電腦雜誌啦！
做乜仲要比錢睇D咁的料！
Quote this comment
呢個真係睇到笑左出黎
Quote this comment
他們應該看看這個review ，before 寫文吧；
http://link.brightcove.com/services/link/bcpid452319854/bctid1269157495
@.@
Quote this comment
反過來講，唔係Chainsaw兄或Macgrass「反權威」來「面上貼金」，而係e-zone襯leopard同ubuntu新出，以呢篇不盡不實嘅報導去嘩眾取寵，抬高vista…
Quote this comment
這篇報導錯在哪裏？比較不公平還是抬高M$眨低其他？
其實唔單止講Mac係咁, 基本上e-zone的技術性文章通常都有不少錯誤，多年如是。所以我唔會買，亦絕少會睇。
呢個應該係寫手水平問題。
Quote this comment
好彩我是在圖書館看的。睇睇無妨，順便笑下嘛!我也兩年多無買過e-zone了!
Quote this comment
I totally agree with you about their mistake on Ubuntu version and Debian GNU/Linux, but I guess its just because they lack of Linux knowledge that’s all.
I haven’t read the issue 482, but my friend told me they use virtual PC to load Ubuntu simply because they can’t even get it load on mac. (Wonder why live CD doesn’t boot, they can’t hold the C key?)
Anyway, I am not a mac fan, and I am no expert either. Somehow I managed to get mac 10.4, xp and Ubuntu 7.10 triple boot with no problem on an intel mac mini after a few hours of google-ing for information. Maybe those ezone people should spend some time update themselves before witting a column on a popular magazine.
Quote this comment
其實有這情況不出奇，他們用Mac 是來排版做輸出，只需要開某幾個apps 來用，對於常用的apps 可能是達人，反而對OS 裡有甚麼，或是怎樣fine tune 個OS 來令生產力上升，他們真是會一無所知的。
電鋸不是寫得很清楚嗎？誤當Mac OS 沒有內置IM 和指缺乏文書處理套件。
Quote this comment
電鋸兄，是誰說你們「為自己面上貼金」的？不想讓人有往臉上貼金的機會，首先自己不要錯好了，對吧。信報那一役，把 1997 年重返蘋果寫成離開蘋果，南轅北轍，不跳出來指罵一番，更待何時？我撐你！
作為是次《e-zone》訪問的當事人，我也來湊湊熱鬧吧，順便追究一些責任。;-) 畢竟由晚八「訪問」至朝三，難捱又難忘啊。
首先，”Leopard * 即時信息軟件 = 0″ 我也有點責任吧，當晚沒有清楚地為他們（記者及另外兩位被訪者）介紹及試玩 iChat，否則他們肯定一見難忘。為什麼忘了介紹 iChat？因為小弟自己也不用。為什麼不用？iChat 是黏著 AOL/AIM 的，而我竟無法在 Windows XP 找到一個像樣的 IM 可以登入 AOL/AIM 而又同時支援中文的，所以現在每天上班 MSN、ICQ、Skype、Y!Messenger 全開，唯獨沒有 AIM。任 iChat 再好用，不能好好地跟 PC users 溝通就是廢了一半武功。《e-zone》的錯誤固然是 factual 的，但間接原因在此。蘋果偏偏夥拍以 AMERICANS 為主要客戶的 AMERICA online，我冏。
「Mac OS 是以單一滑鼠按鍵操控電腦」，我當晚已經重覆又重覆得口臭了，眾人仍難以理解「單一滑鼠按鍵 by default」的好處，一旦記者兄把我的長篇大論 summarize，便又餘下這一句了。但「對於慣用 Windows 的用戶來說，可能會不太習慣」又確是事實啊。
「有些 Windows 軟件，如 Microsoft Office，更設有繁、簡中文字轉換，在 Mac OS 上便較難做到。」我的原意是 3rd party 軟件的中文支援程度會受 OS 影響，例如 WinWord（現在還有人這樣稱呼乎？）有完完整整的中文版，中文版有內置繁簡轉換功能（不過把蘋果電腦「轉換」為苹果计算机就真是啼笑皆非），Mac 版的 Office 不要說繁簡轉換，連中文版都沒有，或者再拉遠一點，是要到 Office 2004 才能輸入中文不走位，實在差天共地。微軟固然要 be blamed，但蘋果真的一點責任也沒有乎？其他軟件的實況又如何？（我是知道 Leopard 有內置繁簡轉換功能的。）
中文與 Mac OS X 的補充材料：
http://www.ideographer.com/articles/article.php?aid=3
http://www.ideographer.com/articles/article.php?aid=8
最後 Vista「勝出」，我也有點意外（當晚未測試「運算效能」），但 so what？牙骹戰而已，相信大家會認為／覺得《選擇月刊》會專業可靠得多吧，但是否所有人都會選購《選擇》總評分最高的產品？最重要還是自己合用，雜誌的評語、計分、總結，交功課而已。我算是認識不少《e-zone》裡的人，發覺「有怎樣的讀者就有怎樣的雜誌」原來是千真萬確的。各位付了鈔的讀者，多多得罪了。
Quote this comment
如果你咁同佢地講，咁佢地梗係斷章取義了，「我當晚已經重覆又重覆得口臭了，眾人仍難以理解「單一滑鼠按鍵 by default」的好處」，佢地唔明，咁不如話 mac 既 mouse 己經可以用埋 right click , 就算唔用單 click 都可以好似 windows 咁用法，咁唔係簡單明白 d 咩 ？
Tiger 既 service 入面都己經有繁簡轉換，兼係所有 program 都用到，唔係好過淨係 windows 得 office 先用到？
Adium 可以一次過支援 msn , gtalk , skype , aol , icq , qq 唔係好過 vista 淨係得 msn , 如果淨係計 builtin 既，咁我唔用 msn 咪一樣係要自己裝 client , 都係無分別
「但是否所有人都會選購《選擇》總評分最高的產品？最重要還是自己合用，雜誌的評語、計分、總結，交功課而已。」如果咁係理由求其寫一篇失實既文章出黎，之後話都係讀者自己去選，咁都係有問題，失實既文章，比從來無寫過既毒害更大，攪到 d 人以為 mac 仲係只可以單 click , 用唔慣所以都係唔好轉 mac , 成個 ezone 入面都無一個人用 mac 咁得人驚，真係講都唔信，用 mac 既無理由連咁簡單既野都唔知，要訪問人先拎到 d 料咁奇怪
Quote this comment
的確無用過Mac 的人是好難明白 one click 的好處，就算到現在我都只用one click，但最大問題係Mac OS 出廠設定隻mouse 係one click，要加contextual menu 要自行設定，我假設該文所比的是「出廠設定」，又難怪會得出「對於慣用 Windows 的用戶來說，可能會不太習慣」。
最大問題係adium 不是「內建功能」，所以不能作準，功能有幾把炮都無用。
我估只係得design 部用Mac，但設計部是不會過問編輯的稿件，就算設計部用Mac 的人，他們只是開固定幾個apps 來做，那些專業搵食apps 他們會是達人，但對於OS 未必會有太多的了解。
Quote this comment
出廠設定但可以改得，咁都唔係硬性規定了，提一提都唔會死掛，同埋以 24″ iMac 計，點都係 content menu 好 d , 唔通下下要做野都要將 mouse 指返去最頂既 menu bar 先做到 ？連 apple 都將 mouse design 到可以用 right click , 證明 apple 都唔係真係咁反對人用 right click 了
我既意思係成個編輯部竟然一個人用 Mac 都無？ 咁平時佢地報導 Mac 既野，又係道聽塗說返黎 ？而且假設 design 部係用 mac , 編輯部唔搵幾個 design 部既人黎講下，而係要搵外援黎訪問一下就當自己好了解，咁好失敗啦，就算衰極，design 部一般 user 都會知 mac os 可以用 right click 吧，唔好當一般 user 咁白痴先得
內建功能果下抵死，有乜人真係會買部機乜都唔裝丫，呢 d 比較真係搵野黎講
Quote this comment
《以下純為我 Kelly 一人之個人意見，與 MacGrass 立場無關》
你要知道比較OS 最方便的是比較fresh install 的OS，因為出得廠就用得嘅先係比人用，我懷疑個記者唔知有得改多過唔提。
蘋果係唔反對人用，係因為始終轉用Mac 的人用慣Windows，用慣有contentual menu，所以現在就比人選擇用定唔用，要迎合市場需要。如果蘋果係支持用contentual menu 的GUI 設計，佢一定by default 會有添，點解要用戶自已去改？
至於contentual menu 好唔好用就好睇使用習慣，對於我常用的apps 常用的hotkeys 我是十分熟悉的，我的mouse 真的只用來點擊，其餘用hotkeys，因為contentual menu 上的指令唔多，hotkeys 又易記，所以對我來說contentual menu 是多餘。
至於編輯部有無人用Mac，呢個就真係答你唔到。佢地平日報導 Mac 野，係翻譯外電多，有幾難？生果日報、日月神報都有報Apple 新聞啦，唔代表個記者會好熟悉Mac OS 或者係用Mac。
講真，搵人講Mac 搵會長Derek 絕對係搵對人，搵佢design 部的人來講仲絲毫無代表性，又唔係講CS3。會長之前已經解釋左one click 的好處，係記者get 唔到個意思嗟。
一個OS 應該係比到用家基本需要，比較內置功能真係無可厚非。
Quote this comment
有乜好吵，我每月出唔少電腦俾客
唔理你地哩 D 學術界點睇
依家出電腦好多都會配 Vista 出
但你地又知唔知 D 客既反應幾大？
好大部份既客就算出左Vista 都會喊三聲，俾返幾百蚊叫我地轉返做 XP
亦因為咁樣，好多廠家都因應要求而提供返XP 出機
我唔知你地點睇 「最強 OS」
但係 End User 角度, 我唔見得 Vista 係易用囉
好多 end user 話, 使用上俾 以前 XP 難用
好多野都收收埋埋，唔知去邊用到D 功能
至於出 MAC 既客，好大部份都用得其所，唔會有咩大問題，因為好多都會配埋 Parallels Desktop, 無錯，買 MAC 好少唔出埋 PD 的
所以你話 MAC 多人用左係未代表MAC 真係咁好用？哩到我有保留
但可以講，從 End User 角度裏，好大部份 user 都對電腦一曉不通
可以做到佢地想要既野，就係好電腦
唔會慢，唔需要等，開機快，易用，支援性大
好簡單，一插 Muti USB 唔會撞左 Exiting Dive…即係 windows 我的電腦入豐唔會撞 CD Rom / Harddisk drive
二，開 application 唔會 halt 機, wireless click 幾下就可以由屋企 network setting 轉返做公司 setting
三. Pre 裝 OS，唔需要預先揀中英文版，老實我每日出唔少電腦，可以講最強 OS 我一定揀 MAC OS，你地唔會明白，pre install Windows 同 setup mac OS 之間既 「速度」分別
well
其實仲有好多理由，令我支持 MAC，不過睇下有無人反對我先再講啦
Quote this comment