暴殄天物
Published by Kelly April 12th, 2006 in Odds and Ends.
話說大概不足一年前，有個做影像製作的仁兄想換掉家中的 G4 PowerMac，奈何缺乏足夠資金買 G5 PowerMac 和新軟件，於是乎他以「網上乞食」的方式，聲言如果籌足五千美元，為了答謝各位捐款的「善長人翁」，他會將舊機 G4 炸毀並將片段錄下放上網娛樂大眾。
終於他成功了！大家可在他的 Help me get a G5 網看到一台仍然 powerful and trusty 的 G4 PowerMac 被炸至粉碎的片段。真是暴殄天物！
Via Digg
15 Responses to “暴殄天物”
- 1 Pingback on Jun 22nd, 2006 at 10:52 HKT
祇不過係一件過氣商品，都唔知點“天物”法。相反，我覺得識得甘樣“乞食”既人，相當有腦。不過，你中意攬住部“天物”過世既，亦無人要吹你。
樓上嗰位，恕我講得過火
可能你好有米，但有更多人唔係
你試吓攞部G4出去，保證大把人要(至少我要)
即使係G3，都可以拆個d零件回收
就算係PC，都有人想要!
請你講野唔好咁大口氣!
嘩！我而家仲係用緊 G4。新佢果部少少咁多。
我估呢位乞兒打爆部機之前巳經拆左Ｄ零件放上ebay。點解我咁估？因為我覺得Ｄ咁既乞兒咁“有腦”咁識得嘩眾取蠢，我會好懷疑佢個人的 integrity。再睇呢位自稱video editor/videographer 果Ｄ製作水平，我覺得佢都係果Ｄ“吹水多多話到自己點得得但係都係得個殼搞到自己古零精怪果ＤＸ碌”（sorry, 突然間LMF上腦），所以推斷佢部機同佢一樣,都係得個殼。
Mac 真係神奇，有部G4就可以養活Ｄ咁既video editor。仲要俾佢出到名，養活佢仲要俾打爆，真係悲壯過好多聖人。仲唔係天物？
真是天下之大無奇不有, 本來不覺得那些捐錢的人是「善長人翁」, 現在更是「好心」做壞事, 成為一部G4的幫兇。
我也是用g4, 還很好, 三年又三年, 相信都仲得。
忽然諗起倚天屠龍記幾句歌仔：
焚我殘軀，熊熊聖火，生亦何歡，死亦何苦。 為善除惡，惟光明故。 喜樂悲愁，皆歸塵土。 憐我世人，憂患實多。憐我世人，憂患實多！
樓上樓上樓上再樓上嗰位。
一件商品過唔過氣，並唔係因爲我有無米或者我大唔大口氣而決定，請搞清楚。
如果G3或者G4同一部主流嘅PC叫我揀，我當然係揀PC，毫無疑問。我買佢翻嚟，係要用到佢嘅好處，並唔係要嚟襯。
樓上樓上樓上嗰位。
照你咁講，我覺得世上更加悲壯，更加天物嘅係：牛。
最後，如果閣下真係感情咁豐富嘅，請對身邊嘅人好一D。
絕對係暴殄天物。你將部腦捐俾人都好，你咁炸左佢。
我仲響商台做果陣，都只不過係用部iBook G3黎打文件返工。我個blog server，都只不過係G4 Mac Mini。
係呀係呀，牛係好神聖咖。所以有Ｄ宗教唔殺牛囉。
就算要殺牛，正常人都係因為要佢Ｄ肉。如果有條友無啦啦一槍打爆隻牛，又唔係食佢，咁，就係叫做〈暴殄天物〉喇。
凳凳燉凳 登凳戥燈 燈燈燉登 登 瞪
好明顯阿痕係唔明暴殄天物點解，中文程度咁底仲要串串貢，真係可憐！大家就原諒佢無知啦！
暴殄天物係解任意糟蹋東西，天物係指一件物件或東西，唔係話一定要G5或者好勁好貴的野先有資格叫天物，過氣商品只要用得就咁炸左佢係浪費！的確呢個世界係有好多人攬住部“天物”過世，如果唔係點會每年都有 Newton developer conference！？又或者有人用Apple II 做server！
送比我都好丫, 我仲係用緊iMac G3咋.
樓上樓上再樓上。
咁你想點食？醬爆定sashimi？要唔要D wasabi添？
樓上再樓上。
首先，好高興遇到一位中文程度高嘅朋友。
第二，其他朋友亦有佢地自己嘅諗法，人地原唔原諒我，未必要聽你發號施令。
的確，G5好intel mac好，絕對唔係咩天物（按照我錯誤嘅理解天物哩個詞嘅含義。），衹係一件件嘅商品。亦即係閣下所講，天物嘅真正含義，衹不過係一件“東西”。過氣商品無償咁炸咗當然係可惜，但如果炸咗佢可以換到五千米金嘅收入，你制唔制？我當然唔可以代你回答哩個問題，因爲正如閣下所複述嘅，好多人中意攬住件天物過世，亦正如閣下所了解到嘅，好多人仲用緊apple II做sever。
> 過氣商品無償咁炸咗當然係可惜，但如果炸咗佢可以換到五千米金嘅收入，你制唔制？
聽到呢句，我諗起買兇殺人，或者黑社會俾錢人地頂罪坐監，又或者呃保險，希望第日唔會發生晌你身上呢。
話說回頭，我覺得俾錢佢“炸機”的人先係最有問題，過唔過氣都好，件野冇壞，仲不算太差，就咁整死佢（出錢叫人整死佢），都幾折墮，下次唔知會唔會有人叫人贊助拆屋呢…
係… 放上 ebay 賣，可能未夠買四分一部 G5，但係多左一個人有機用喎，都算係做好事丫。
回到邏輯的問題, 如果將部G4賣出去, 那仁兄是不是可以早點儲夠錢買到部G5。
以佢既做法, 可以證明他不是「有腦」之人。
“怎”兄回魂～～